“Mançester Siti”nin baş məşqçisi Xosep Qvardiola “Liverpul”la Premyer Liqa oyunundan (1:1) sonra rəqib hücumçu Darvin Nuneslə münaqişə edib.
Arena.az məlumat verir ki, oyundan sonra Nunyes ilk olaraq Qvardiolanın əlini sıxmaq üçün ona yaxınlaşıb, amma bundan dərhal sonra onlar bir-birlərinə duyğusal olaraq nə isə ifadə etməyə başlayıblar.
“Liverpul”un baş məşqçisi Yurgen Klopp araya girərək, uruqvaylı hücumçusunu Qvardioladan uzaqlaşdırıb.
Bu an nələrin baş verdiyi aydın olmasa da, oyundan sonra keçirilmiş mətbuat konfransında ispan mütəxəssis bu barədə ona cavablanmış ilk suala qısaca şərhlə bu məsələnin üstündən ötüb. “Sky Sports” hər iki mütəxəssisdən sitat gətirir:
“O, məndən güclüdür. Heç nə olmadı. Bu, məyusluq deyil. Mən çox şadam. Mətbuat konfransında ikinci sualı verin”, deyə Xosep Qvardiola mövzunu dəyişməyi üstün tutub.
Öz növbəsində Yurgen Klopp da bu məsələdə hakim olmaq istəmədiyini ifadə edib:
“Bunu izah etməli olan şəxs olduğuma əmin deyiləm, çünki baş verənlərdə heç bir rolum yox idi. Bu, heyrətamiz idi. İkisini də sevirəm, ona görə də bir söz başa düşmədiyim üçün nə baş verdiyini yüz faiz bilmədən vəziyyəti sakitləşdirməyə çalışdım. Bunlar duyğulardır. Xosep qalib gəlmək istəyir, biz də qazanmaq istəyirik. İkimiz də qalib gəlmədik, ona görə də heç kim həqiqətən xoşbəxt deyil”, deyə Klopp bildirib.
13 turdan sonra “Mançester Siti” Premyer Liqanın liderliyini əldən verib. “Şəhərlilər” 29 xalla 2-ci, “Liverpul” isə 28 xalla 3-cü pillədədir. Turun mərkəzi görüşündə tərəflərin sülhlə ayrılmasında istifadə edən “Arsenal” səfərdə “Brentford”u minimal hesabla məğlub edərək (1:0), Premyer Liqanın liderliyini ələ keçirib, “topçular”ın 30 xalı var.
