“Sabah” futbol üzrə Azərbaycan Premyer Liqasında bu mövsüm ilk qələbəsini qazanıb. Arena.az xəbər verir ki, Bakı təmsilçisi 8-ci turda “Sumqayıt”a 3:0 hesabı ilə qalib gəlib.
İlk 7 matçda qələbə qazana bilməyən paytaxt klubu tarixində 20-ci dəfə Premyer Liqa görüşündə 3 xala sevinib. Bu, 84-cü matça təsadüf edib. Bakılılar öz meydanındakı 42-ci oyunda 10-cu belə uğuru bayram edib.
“Sabah” Premyer Liqada 3-cü dəfə böyük hesablı qələbə əldə edib. Əvvəlki iki uğura da öz meydanında imza atan paytaxt futbolçuları yenə eyni – 3:0 hesabı ilə qalib gəlib. Bu, komandanın ən böyükhesablı qələbəsidir. 2019/20 mövsümünün “Səbail”, 2020/21 mövsümünün “Qəbələ” ilə qarşılaşmalarında da bu komanda üç xalı üç cavabsız qolla əldə edib.
