Super Liqada koronavirusa 19 yoluxma

Futbol üzrə Türkiyə Super Liqasında 3-5 aprel aralığında 32-ci turun oyunları keçiriləcək.

Arena.az xəbər verir ki, milli komandaların oyunlarına görə yaranmış fasilədən sonrakı ilk turun qarşılaşmaları öncəsi iştirakçı klubların kollektivləri koronavirus testindən keçiblər.

Bu oyunlar ərəfəsində Super Liqa iştirakçıları arasında bütövlükdə 16 yoluxma faktı qeydə alınıb. 21 klubdan yeddisində COVİD-19 testi pozitiv çıxan futbolçular aşkarlanıb. Ən çox yoluxma halı “Fənərbaxça”dadır.

Qeyd edək ki, bu gün Türkiyə Futbol Federasiyası 3 hakimin də koronavirus testinin pozitiv çıxdığını açıqlamışdı. Onları da nəzərə alsaq, Super Liqada hazırda koronavirus testi pozitiv çıxan 19 şəxs var.

Fənərbaxça – 5 yoluxma
Yeni Malatyaspor – 4
Beşiktaş – 2
Qalatasaray – 2
Başakşəhər – 1
Gənclərbirliyi – 1
Rizəspor – 1

Qeyd edək ki, Super Liqanın 32-ci turu çərçivəsində aşağıdakı oyunlar baş tutmalıdır:

3 aprel

14:30. Kayserispor – Göztəpə

17:00. Rizəspor – Fatih Karagümrük

17:00. Sivasspor – Trabzonspor

20:00. Hatayspor – Qalatasaray

4 aprel


14:30. Ərzurumspor – Konyaspor

17:00. Alanyaspor – Gənclərbirliyi

17:00. Ankaragücü – Antalyaspor

17:00. Başakşəhər – Yeni Malatyaspor

20:00. Kasımpaşa – Beşiktaş

5 aprel

20:00. Fənərbaxça – Dənizlispor

Əvvəlki turlarda keçirdiyi 29 oyuna 64 xal toplamış “Beşiktaş” birinci pillədə qərarlaşıb. 30 oyunda 61 xal toplamış “Qalatasaray” ikinci, 59 xalı olan “Fənərbaxça” isə üçüncüdür. “Trabzonspor” da 55 xal toplayıb və dördüncü pillədə qərarlaşıb.