Qəbələdə təlim-məşq toplanışında olan 17 yaşadək futbolçulardan ibarət Azərbaycan millisi (U-17) bu gün ikinci yoxlama oyununu keçirəcək.
Arena.az xəbər verir ki, U-17 millimiz Qazaxıstanın müvafiq yaş qrupundan ibarət komandası ilə ikinci dəfə üz-üzə gələcək.
Qəbələ şəhər stadionunda təşkil ediləcək oyuna saat 16:30-da start veriləcək.
Xatırladaq ki, bu komandalar arasında ilk görüş də Qəbələdə baş tutmuşdu. Həmin oyunda Qazaxıstan milli komandası 5:2 hesablı qələbə qazanmışdı.
