Futbol üzrə Azərbaycan Premyer Liqasının 2026/2027-ci illər mövsümünün 9-cu turu “Turan Tovuz” komandası üçün əlamətdar olub.
Arena.az xəbər verir ki, “Neftçi” ilə səfər görüşü (1:1) Qərb təmsilçisinin liqada 150-ci oyunu olub.
74 dəfə evdə, 76 dəfə səfərdə meydana çıxmış komanda bu görüşlərdə 58 qələbə qazanıb, 42 heç-heçə edib və 50 dəfə uduzub. 186 qol vurmuş Tovuz təmsilçisi 174 top buraxıb. Turnirin tarixinə 150 və daha çox oyun keçirən 26-cı komanda kimi düşən qərblilərin ilk matçı 2022-ci il avqustun 8-də evdə “Qəbələ”yə qarşı olub – 0:2.
Xatırladaq ki, “Turan Tovuz” cari mövsümdə də qeyri-sabit nəticələri ilə diqqət çəkir. Keçirdiyi 9 oyunda 4 qələbə qazanıb, 3 heç-heçə edib, 2 məğlubiyyətlə üzləşmiş komanda 15 xalla 12 iştirakçı arasında 4-cü pillədə qərarlaşıb.
