Azərbaycanın U-21 millisinin və Kiprin “Pafos” komandasının cinah hücumçusu Murad Məmmədov zədəsini sağaldaraq sıraya dönüb.
Arena.az xəbər verir ki, “Pafos” bu gün Cənubi Kipr Liqasının 2026/2027-ci illər mövsümünün 7-ci turu çərçivəsində “Nea Salamis”lə qarşılaşıb.
“Pafos” səfərdə baş tutmuş bu görüşdən heç-heçə ilə ayrılıb – 0:0. Xeyli müddət idi zədəli olan Murad da bu matçın iştirakçısı olub. 20 yaşlı futbolçu meydana çıxmaqla Kipr çempionatında rəsmən debüt edib. O, 70-ci dəqiqədə meydana buraxılıb.
Məmmədovun komandası 7 turdan sonra 12 xalla 5-ci pillədə qərarlaşıb. “Pafos” 7 oyunda 3 qələbə qazanıb, 3 heç-heçə edib, 1 məğlubiyyətə üzülüb.
Xatırladaq ki, Murad Məmmədov bu ilin yayında qoşulduğu “Pafos”un heyətində 4 rəsmi matçda forma geyinib, 1 qol vurub.
“Pafos” “Neftçi”nin yetirməsi olan 20 yaşlı azərbaycanlı futbolçunu 2026-cı ilin yayında azad agent kimi heyətinə qatıb. Tərəflər arasında 2030-cu ilin iyununa qədər müqavilə imzalanıb.
