Futbol üzrə Afrika Millətlər Kubokunda 1/8 final mərhələsinin oyunları keçirilir. Arena.az xəbər verir ki, bu gün daha iki qarşılaşma baş tutub.
Əvvəlcə Seneqal yığması Kabo Verde ilə qarşılaşıb. “Qarabağ”ın yarımmüdafiəçisi Patrik Andradenin də oynadığı matç komandası üçün uğursuz alınıb. Belə ki, start heyətdə meydana çıxan Patrik, 21-ci dəqiqədə qırmızı vərəqə alaraq meydandan qovulub. 57-ci dəqiqədə Andradenin daha bir komanda yoldaşı oxşar aqibətlə üzləşib. Rəqibin 9 nəfərlə qalmasından maksimum yararlanan Seneqal yığması 2 cavabsız qol vuraraq 1/4 finala yüksəlib.
Günün digər matçı Mərakeş və Malavi yığmaları arasında keçirilib. Üç qolun qeydə alındığı bu oyunda da Mərakeş millisi sevinən tərəf olub.
Xatırladaq ki, Afrika Millətlər Kubokunda daha öncə Burkina Faso, Tunis, Qambiya və Kamerun yığmaları 1/4 finala vəsiqəni təmin etmişdi.
Afrika Millətlər Kuboku
1/8 final
23 yanvar
Burkina Faso – Qabon 1:1 (penaltilər 7:6)
Qol: Traore, 28 – Quira, 90+1-öz qapısına.
Nigeriya – Tunis 0:1
Qol: Msakni, 47.
24 yanvar
Qvineya – Qambiya 0:1
Qol: Barrou, 71.
Kamerun – Komor adaları 2:1
Qol: Ekambi, 29. Abubakar, 70 – Çanqama, 81.
25 yanvar
Seneqal – Kabo Verde 2:0
Qol: Mane, 63. Dienq, 90+2.
Mərakeş – Malavi 2:1
Qol: En Nesiri, 45+2. Hakimi, 70 – Mhanqo, 7.
26 yanvar
Fil Dişi Sahili – Misir
Mali – Ekvatorial Qvineya
