Azərbaycanın FIFA referisi Elçin Məsiyev və FİFA referi köməkçisi Vüsal Məmmədov UEFA-dan yeni təyinat alıblar.
Arena.az xəbər verir ki, onlar 17 yaşadək futbolçulardan ibarət komandalar arasında təşkil olunacaq Avropa çempionatının seçmə mərhələsinin 11-ci qrupunda keçiriləcək oyunlara təyinat alıblar.
İtaliya, Yunanıstan, Şimali İrlandiya və San Marino komandalarının mübarizə aparacağı bu qrupun oyunları oktyabrın 25-dən 31-nə qədər İtaliyada təşkil ediləcək.
Azərbaycanlı hakimlər ilk olaraq ayın 25-də keçiriləcək İtaliya – San Marino matçında iş başında olacaqlar. Vüsal Məmmədov yan xətt hakimi, Elçin Məsiyev isə dördüncü hakim kimi fəaliyyət göstərəcək.
Müvafiq olaraq oktyabrın 28-də və 31-də keçiriləcək İtaliya – Şimali İrlandiya və Yunanıstan – İtaliya oyunlarında isə Məsiyev baş hakim olacaq. Hər iki oyunda Məmmədov yenə yan hakimi kimi çalışacaq.
