Bu gün futbol üzrə İngiltərə çempionatında (Premyer Liqa) 2023/2024 mövsümünün 33-cü turunun növbəti oyunları keçirilib..
Arena.az xəbər verir ki, ikinci oyun günündə üç qarşılaşma baş tutub.
“Vest Hem” doğma meydanda “Fulhem”ə 2 cavabsız qolla məğlub olub. Çempionluq uğrunda mübarizə aparan iki komanda – “Liverpul”la “Arsenal” da bu turda müvafiq olaraq “Kristal Pelas”la “Aston Villa”ya uduzublar.
Bu, ötən gün “Luton Taun”a böyük hesabla qalib gəlmiş son çempion “Mançester Siti”nin işinə yarayıb. Belə ki, bu komanda hazırda 73 xalla vahid liderdir. “Arsenal”la “Liverpul” isə 71 xalda qalıblar.
33-cü tura sabah keçiriləcək “Çelsi” – “Everton” matçı ilə yekun vurulacaq.
İngiltərə, Premyer Liqa
33-cü tur
13 aprel
Nyukasl – Tottenhem 4:0
Qollar: A.İsak, 30; 51; Şer, 87. Qordon, 32.
Brentford – Şeffild Yunayted 2:0
Qollar: Arblaster, 64-öz qapısına. Onyeka, 90+3.
Börnli – Brayton 1:1
Qollar: Braunhill, 74 – Muriç, 79-öz qapısına.
Mançester Siti – Luton Taun 5:1
Qollar: Haşioka, 2-öz qapısına. Kovaçiç, 64. Haland, 76-pen. Doku, 87. Qvardiol, 90+3 – Barkli, 81.
Nottingem Forest – Vulverhempton 2:2
Qollar: Gibbs-Uayt, 45+1. Danilo, 57 – Kunya, 40; 62.
Bornmut – Mançester Yunayted 2:2
Qollar: Solanke, 16. Kluyvert, 36 – B.Fernandes, 31; 65-pen.
14 aprel
Liverpul – Kristal Pelas 0:1
Qol: Eze, 14.
Vest Hem – Fulhem 0:2
Qollar: A.Pereyra, 9; 72.
Arsenal – Aston Villa 0:2
Qollar: Beyli, 84. Uotkins, 87.
15 aprel
23:00. Çelsi – Everton
