Mini futbol üzrə Azərbaycan millisinin qarşıdakı Avropa çempionatında (AÇ-2024) keçirəcəyi oyunların təqvimi açıqlanıb.
Arena.az xəbər verir ki, yığmamız ilk oyununu iyunun 2-də, saat 13:00-da Belçika millisinə qarşı keçirəcək.
Azərbaycan millisinin növbəti görüşü iyunun 3-də saat 19:00-da İtaliyaya qarşı olacaq.
Son olaraq Elşad Qulyevin yetirmələri iyunun 4-də Fransa yığması ilə qarşılaşacaq. Matçın start fiti saat 19:00-da səslənəcək.
Qeyd edək ki, Avropa çempionatı Bosniya və Herseqovinanın paytaxtı Sarayevoda keçiriləcək.
