Macarıstan millisinin baş məşqçisi Marko Rossi AÇ-2024-ün qrup mərhələsinin 2-ci turunda Almaniya yığması ilə oyunu (0:2) şərh edib.
Arena.az UEFA-nın rəsmi saytına istinadən, italyan mütəxəssisin bu barədə fikirlərini təqdim edir:
“Biz taktika və zehniyyət üzərində işlədik. Uşaqlarım yaxşı iş gördülər və mən onların çıxışı ilə fəxr edirəm. Bir müddət əvvəl demişdim ki, Almaniya yığmasına məğlubiyyət baş verə bilər. Onların dünya səviyyəli oyunçuları var. Taktikamız işə yaraya bilərdi, amma onların bütün mövqelərdə daha yaxşı oyunçuları var. Eyni zamanda, bütün oyun boyu bəxtimiz gətirmədi.
Peşman olacağım bir məqam olmadığını dedim. Biz bir neçə səhv etdik, amma futbolda səhvlər olur və siz də səhv edə bilərsiniz. Almaniya yığması və digər dünya səviyyəli komandalar kimi komandalar bizdən daha yaxşı oynayırlar, biz bunu bilirik.
Mən deyərdim ki, Almaniya AÇ-2024-ün qalibi olmaq üçün yəqin ki, əsas namizəddir”, deyə Marko Rossi vurğulayıb.
2-ci turdan sonra Almaniya yığması 6 xalla “A” qrupuna başçılıq edir. İsveçrə yığması 4 xalla 2-ci, Şotlandiya yığması 1 xalla 3-cü yerdə qərarlaşıb. Xalsız Macarıstan yığması isə sonuncu, 4-cü yerdədir.
Vurğulayaq ki, Macarıstan yığması üzərində qələbə ilə Almaniya millisi yarışın ələmə mərhələsinə – 1/8 finala vəsiqəni təmin etmiş ilk komanda olub.
