“Mançester Yunayted”in həmsahibi Cim Retkliff Erik ten Haqı komandanın baş məşqçisi vəzifəsində saxlamağa qərar verdiklərini açıqlayıb.
Arena.az xəbər verir ki, o, İngiltərə klubunun bu qərarını belə şərh edib.
“Mançester Yunayted”də əsas fəsad məşqçi deyil. Bu, idman klubudur. Rəqabətli olmalıdır, müəyyən tezliyə malik olmalıdır, amma biz nisbətən gənc oyunçularla məşğul olduğumuz üçün dəstəkləyici tərəf olmalıdır. Tarixən burada belə bir vəziyyət olmayıb”, deyə Retkliff vurğulayıb
Cim Retkliff rəhbərlik etdiyi İngiltərə klubunun, “Real”ın fransalı hücumçusu Kilian Mbappe səviyyəli futbolçuları almağa hazır olub-olmaması sualını cavablayıb:
“Mən uğur əldə etmək üçün sərvət xərcləməkdənsə, növbəti Mbappeni tapmağa çalışardım. İndi Mbappe ilə müqavilə bağlamaq o qədər də ağıllı fikir deyil. Böyük fəsad növbəti Mbappe, Bellingem və ya Roy Kini tapmaqdır”, deyə Retkliff vurğulayıb.
Xatırladaq ki, Erik ten Haq “Mançester Yunayted”in sükanı arxasına 2022-ci ilin iyulunda “Ayaks”dan keçib. Ten Haqın “Mançester Yunayted”lə müqaviləsi 2025-ci ilin iyun ayının sonuna qədər qüvvədədir.
Ümumilikdə 54 yaşlı mütəxəssis “qırmızı şeytanlar”la bütün yarışlarda 114 oyun keçirib, 68 qələbə, 15-də heç-heçə, 31 məğlubiyyət yaşayıblar. Niderlandlı mütəxəssisin rəhbərliyi altında İngiltərə nəhəngi 207 qol vurub, 156 qol buraxıb.
Geridə qalmış 2023/2024 mövsümünün əksər yarışlarında Ten Haq uğursuzluğa düçar olub. “Mançester Yunayted” UEFA Çempinlar Liqasını qrup sonuncusu olaraq tərk edib, İngiltərə Liqa Kubokunu əldən verib. Premyer Liqada isə 38 oyundan 60 xal toplamış “qırmızı şeytanlar” yarış cədvəlinin 8-ci pilləsində qərarlaşıblar ki, bu da klub tarixinin ən uğursuz nəticəsi olmaqla yanaşı, heç avrokuboklara da vəsiqə verməyib.
Əvəzində, niderlandlı mütəxəssis özünün “qırmızı şeytanlar”ı ilə birlikdə qarşısına qazanmağı məqsəd qoyduğu İngiltərə Kubokunda qalibiyyətə nail olub. Bu zəfər isə “Mançester Yunayted”ə növbəti, 2024/2025 mövsümündə Avropa Liqasında iştirak hüququ verib.
