Kot-d’İvuarda 24 komandanın iştirakı ilə təşkil olunmuş futbol üzrə sayca 34-cü Afrika Millətlər Kuboku davam edir.
Arena.az məlumat verir ki, fevralın 2-də 1/4 final mərhələsinin ilk iki oyunu baş tutub.
Əvvəlcə, Nigeriya və Anqola yığmaları üz-üzə gəliblər. Nigeriyalılar minimal hesabla qalib gəlməklə ilk yarımfinalçıya çevriliblər.
Konqo Demokratik Respublikası yığması da Qvineya ilə qarşılaşıb. Dörd qolun qeydə alındığı matçda sevinən tərəf konqolular olublar.
Yanvarın 13-də start verilmiş və Kot-d’İvuarın 5 şəhərinin 6 stadionunda keçirilən Afrika Millətlər Kubokuna fevralın 11-də yekun vurulacaq.
Afrika Millətlər Kuboku
1/4 final
2 fevral
Nigeriya – Anqola 1:0
Qol: Lukman, 41.
Konqo DR – Qvineya 3:1
Qollar: Mbemba, 27. Vissa, 65-pen. Masuaku, 82 – Bayo, 20-pen.
3 fevral
21:00. Mali – Kot-d’İvuar
00:00. Kabo Verde – Cənubi Afrika
