Futbol üzrə Afrika Millətlər Kubokunda 1/8 final mərhələsinə yekun vurulub. Arena.az xəbər verir ki, bu gün daha iki qarşılaşma baş tutub.
Əvvəlcə Fil Dişi Sahili yığması Misir millisi ilə qarşılaşıb. Oyunun əsas və əlavə vaxtında hesab açılmayıb. Bu üzdən də qalibi müəyyənləşdirmək üçün penalti seriyasına ehtiyac duyulub. 11 metrlik zərbələri daha dəqiq yerinə yetirən Misir yığması 1/4 finala vəsiqə qazanıb.
Günün digər matçı Mali və Ekvatorial Qvineya yığmaları arasında keçirilib. Bu oyunda da əsas və əlavə vaxt qolsuz bitib. Sonda penaltilər seriyasından qalib ayrılan Ekvatorial Qvineya yığması sonuncu 1/4 finalçı olub.
Afrika Millətlər Kuboku
1/8 final
23 yanvar
Burkina Faso – Qabon 1:1 (penaltilər 7:6)
Qol: Traore, 28 – Quira, 90+1-öz qapısına.
Nigeriya – Tunis 0:1
Qol: Msakni, 47.
24 yanvar
Qvineya – Qambiya 0:1
Qol: Barrou, 71.
Kamerun – Komor adaları 2:1
Qol: Ekambi, 29. Abubakar, 70 – Çanqama, 81.
25 yanvar
Seneqal – Kabo Verde 2:0
Qol: Mane, 63. Dienq, 90+2.
Mərakeş – Malavi 2:1
Qol: En Nesiri, 45+2. Hakimi, 70 – Mhanqo, 7.
26 yanvar
Fil Dişi Sahili – Misir 0:0 (penaltilər 4:5)
Mali – Ekvatorial Qvineya 0:0 (penaltilər 5:6)
Xatırladaq ki, Afrika Millətlər Kubokunda daha öncə Burkina Faso, Tunis, Qambiya, Kamerun, Seneqal və Mərakeş yığmaları 1/4 finala vəsiqəni təmin etmişdi. Beləliklə, növbəti mərhələdə aşağıdakı komandalar üz-üzə gələcəklər:
29 yanvar
Qambiya – Kamerun
Burkina Faso – Tunis
30 yanvar
Misir – Mərakeş
Seneqal – Ekvatorial Qvineya
