Futzal üzrə Azərbaycan millisi bu gün Avropa çempionatının (AÇ-2026) əsas mərhələsi çərçivəsində sonuncu matçına çıxacaq.
Arena.az xəbər verir ki, 5-ci qrupun autsayderi olan yığmamız lider Xorvatiya millisi ilə qarşılaşacaq.
1-ci yeri təmin etmiş rəqiblə görüşdə sensasiyaya ümid edən Vitali Borisovun yetirmələri ilk qələbənin həsrətindədir. Azərbaycan millisi hazırda 2 xalla sonuncu pillədə qərarlaşıb.
Bakı İdman Sarayında keçiriləcək qarşılaşmaya saat 20:00-da start veriləcək. Oyunu Kiprdən olan hakimlər idarə edəcəklər.
Qeyd edək ki, qrupun digər görüşündə Yunanıstan və İsveç yığmaları üz-üzə gələcəklər.
AÇ-2026-nın əsas mərhələsi
5-ci qrup
15 aprel
20:00. Azərbaycan – Xorvatiya
Hakimlər: Yianqos Yianqu, Nikolas Nikolau, Theoxaris Theocharous (hamısı Kipr).
Bakı İdman Sarayı.
Xallar: Xorvatiya – 15. Yunanıstan – 7. İsveç – 4. Azərbaycan – 2.
