Futzal üzrə DÇ-2024-ün elit mərhələsi çərçivəsində keçiriləcək Azərbaycan – Niderland oyununun başlama saatı dəyişdirilib.
Arena.az xəbər verir ki, bu barədə Azərbaycan Futzal Federasiyasının rəsmi saytı məlumat yayıb.
Xəbərdə bildirilir ki, sentyabrın 20-də baş tutacaq görüşün start fiti canlı yayımla əlaqədar daha erkən vaxtda səsləndiriləcək. Belə ki, Bakı İdman Sarayında təşkil olunacaq qarşılaşma əvvəldən nəzərdə tutulduğu kimi saat 20:00-da yox, 18:30-da başlayacaq.
Xatırladaq ki, yığmamız DÇ-2024-ün elit-raund mərhələsində Rumıniya, Niderland və Qazaxıstanla birgə A qrupunda yarışacaq.
Azərbaycan millisinin bu rəqibləri ilə oyunlarının təqvimi belədir:
DÇ-2024-ün seçmə mərhələsi
Elit raund, A qrupu
15 sentyabr
Rumıniya – Azərbaycan
20 sentyabr
Azərbaycan – Niderland
6 oktyabr
Azərbaycan – Qazaxıstan
11 oktyabr
Qazaxıstan – Azərbaycan
15 dekabr
Azərbaycan – Rumıniya
20 dekabr
Niderland – Azərbaycan
