Futbol üzrə Azərbaycan millisinin mərkəz müdafiəçisi Cəlal Hüseynov Rumıniyanın “Petrolul” komandasının heyətində rəsmi debüt matçına çıxıb.
Arena.az xəbər verir ki, Cəlalın bu yay müqaviilə bağladığı sözügedən komanda Rumıniya çempionatının 2026/2027-ci illər mövsümünün 2-ci turu çərçivəsində bu gün “Arges”lə qarşılaşıb.
“Petrolul” səfər oyunundan 0:1 hesablı məğlubiyyətlə ayrılıb. Cəlal fasilədən dərhal sonra, 46-cı dəqiqədə meydana buraxılıb.
Xatırladaq ki, azərbaycanlı müdafiəçi bu yay “Petrolul”a azad agent kimi qoşulub və 2 illik müqaviləyə imza atıb.
“Zirə”nin yetirməsi olan Cəlal Hüseynov 2023-cü ilin iyun ayında Bolqarıstanın “Arda” klubuna keçib. Azərbaycanlı futbolçu bu komandada 87 rəsmi oyuna çıxıb, 5 qol vurub. Cəlal 2024/2025-ci illər mövsümünü icarə əsasında “Şamaxı”da keçirsə də, 2025-ci ilin yayında yenidən Bolqarıstan klubuna qayıtmışdı.
Hüseynov 2021-ci ilin noyabrında debüt etdiyi Azərbaycan milli komandasının heyətində 10 oyuna çıxsa da, məhsuldar fəaliyyəti ilə yadda qalmayıb.
