Futbol üzrə Azərbaycan millisinin yarımmüdafiəçisi Coşqun Diniyev Türkiyənin “Bandırmaspor” klubunun heyətində növbəti matçına çıxıb.
Arena.az xəbər verir ki, sözügedən komanda bu gün TFF 1-ci Liqanın 2024/2025 mövsümünün 8-ci turu çərçivəsində “Ümraniyəspor”la qarşılaşıb.
Coşqunun komandası səfərdə baş tutan bu qarşılaşmadan bərabərliklə ayrılıb – 1:1.
Diniyev sabiq komandasına qarşı oyuna start heyətdə başlayıb və 69-cu dəqiqədə – hesab 0:0 olarkən əvəzlənib.
“Bandırmaspor” 8 turdan sonra 12 xalla 8-ci pillədə qərarlaşıb.
Xatırladaq ki, Coşqun Diniyev ötən mövsümü Türkiyə Birinci Liqasının digər təmsilçisi “Ümraniyəspor”da keçirib. 28 yaşlı azərbaycanlı futbolçu bu yay “Bandırmaspor”la 1 illik (2025-ci ilin 30 iyununa qədər) müqaviləyə imza atıb. O, bu komandanın heyətində 7 oyun keçirib və məhsuldar fəaliyyəti ilə diqqət çəkməyib.
