Ukraynanın “Polesye” klubuna məxsus olan azərbaycanlı yarımmüdafiəçi Emil Mustafayev daha iki mövsüm “Sumqayıt”da çıxış edəcək.
Arena.az bu barədə “Sumqayıt”ın mətbuat xidmətinə istinadən xəbər verir.
Bildirilir ki, 2026/2027-ci illər mövsümü üçün heyət çalışmalarına start vermiş “Sumqayıt” Emil Mustafayevin məxsus olduğu Ukraynanın “Polesye” klubu ilə transfer anlaşması əldə edib. 24 yaşlı yarımmüdafiəçi daha 2 mövsüm Azərbaycan komandasının uğurları üçün çalışacaq.
“Sumqayıt” Emili 2025-ci ilin sentyabr ayında icarə müqaviləsi əsasında heyətinə qatmışdı. Futbolçu ötən mövsüm bu komandanın heyətində 14 oyuna çıxıb, 1 qol, 2 məhsuldar ötürmə ilə yadda qalıb.
Xatırladaq ki, Emil Mustafayev Ukraynanın “Aleksandriya” klubunun yetirməsidir. Hücumameyilli yarımmüdafiəçi 2023-cü ilin iyul ayında azad agent kimi “Polesye”yə keçib. 24 yaşlı futbolçu bu komandanın heyətində 34 oyuna çıxıb, 3 qol vurub, 5 məhsuldar ötürmə verib. Emil bir müddət “Çernomorets”də də icarədə olub. O, Odessa təmsilçisinin heyətində 11 oyuna çıxsa da, məhsuldar fəaliyyəti ilə yadda qalmayıb.
Vaxtilə Azərbaycanın U-21 yığmasında 3 oyun keçirmiş Mustafayev 2024-cü ilin mart ayında əsas millimizdə də debüt edib. Yarımmüdafiəçi Azərbaycan millisinin heyətində 5 oyuna çıxsa da, fərqlənə bilməyib.
Gedən: Aleksandr Ramalinqom, Rayan Senhadji, Sənan Muradlı (“Şamaxı”, icarə), Mehdi Cənnətov (“Səbail”)
Müqavilə müddətini artıran:
