“Give Me Sport” nəşri Avropanın 50 stadionu ilə bağlı araşdırma aparıb və bir sıra meyarlar əsasında 10 ən yaxşı arenanı təqdim edib.
Arena.az məlumat verir ki, nəşr 6 əsas meyar üzrə qiymətləndirmə aparıb:
– Stadionun tutumu (nə qədər böyük olsa, bir o qədər yaxşıdır);
– biletlərin orta qiyməti (nə qədər aşağı olsa, bir o qədər yaxşıdır);
– bir litr pivənin qiyməti (nə qədər aşağı olsa, bir o qədər yaxşıdır);
– ictimai nəqliyyatla giriş asanlığı;
– əlilliyi olan insanlar üçün əlçatanlıq (tualetlər, liftlər, panduslar, əlil arabaları üçün yerlər və s.);
– onlayn icmallar və rəylər (“Google” reytinqləri daxil olmaqla).
“Give me Sport” nəşrinin seçimi üzrə Avropanın ən yaxşı futbol stadionlarının onluğunu təqdim edirik:
- “Siqnal İduna Park” (Dortmund, Almaniya);
- “Santyaqo Bernabeu” (Madrid, İspaniya);
- “Kamp Nou” (Barselona, İspaniya);
- “Old Trafford” (Mançester, İngiltərə);
- “San-Siro” (Milan, İtaliya);
- “Emireyts” (London, İngiltərə);
- “Tottenhem Hotspur” (London, İngiltərə);
- “Uembli” (London, İngiltərə);
- “Stad de Frans” (Sent-Deni, Fransa);
- “Krouk Park” (Dublin, İrlandiya).
