Azərbaycanın gənclərdən ibarət milli komandasının hücumçusu Kamran Əliyev Tula “Arsenal”ında növbəti matçına çıxıb. Arena.az xəbər verir ki, 23 yaşlı futbolçu Rusiya Birinci Liqasının 5-ci turu çərçivəsində baş tutan “Dinamo” (Mahaçqala) ilə matçın iştirakçısı olub.
“Arsenal” doğma meydanda baş tutan bu qarşılaşmadan heç-heçə ilə ayrılıb – 1:1. 36-cı dəqiqədə məğlub duruma düşən Tula təmsilçisi 57-ci dəqiqədə hesaba tarazlıq gətirməyi bacarsa da, bundan artığına gücü çatmayıb.
Kamran Əliyev bu matçın ilk dəqiqələrindən meydanda olub və fasilədə əvəzlənib.
“Arsenal” 5 turdan sonra 8 xalla 6-cı pillədə qərarlaşıb.
