“Bayern”in qapıçısı Manuel Noyer Bundesliqasının 25-ci turunda “Maynts”la oyunda qazandıqları 8:1 hesablı möhtəşəm qələbəni şərh edib:
Arena.az alman qapıçının bu barədə fikirlərini təqdim edir:
“Bu gün rəqibi incitmək qabiliyyətimizə əmin idik. Bu, açardır. “Maynts” bütün meydanda “hər biri hər biri ilə” tərtibatda müdafiə olunsa da, soyuqqanlılığımızı qoruduq. Meydanda yaxşı mövqe tutduq, topa sahib olmaqda çox inamlı idik və çox xəta etmədik”, deyə Noyer vurğulayıb.
“Bayern”in hücumçusu Harri Keyn də “Maynts”la oyunda 8:1 hesablı qələbəyə şərh verib. İngilis hücumçu bu oyunda het-trik edib və bir məhsuldar verib:
“Ümidvaram ki, bu oyun mövsümün qalan hissəsi üçün bir növ yenidənbaşlatma olacaq. Biz bugünkü təcili istifadə etdik və bu, əvvəldən axıra qədər əla səmərə idi. Çətin rəqibə qarşı imkanlarımızdan istifadə etdik. İndi biz qarşıdakı həftələrdə bu səmərəni inkişaf etdirməliyik”, deyə Keyn vurğulayıb.
Yeri gəlmişkən, “Mançester Yunayted”in və İngiltərə yığmasının sabiq hücumçusu Ueyn Runi ötən yay “Tottenhem”dən “Bayern”ə keçmiş həmyerlisi Harri Keynin çıxışını yüksək qiymətləndirib. Runinin bu barədə fikirlərini təqdim edirik:
“Harri Keyndən bundan azını gözləmirdim. O, inanılmazdır. Vurduğu qollar, yaratdığı imkanlar onun əsl peşəkar olduğunu göstərir. “Bayern” kuboklar qazanmasa, bu, sərsəmlik olacaq, amma Keyn harada oynasa, həmişə çoxlu qollar vurur”, deyə Runi vurğulayıb.
Xatırladaq ki, “Bayern” Almaniya Bundesliqasında 25 oyundan sonra 57 xalla yarış cədvəlinin 2-ci pilləsində qərarlaşıb. “Bayer” isə 24 oyundan 64 xalla Bundesliqanın vahid lideridir.
