Bu gün futbol üzrə Azərbaycan çempionatında (Premyer Liqa) 2023/2024 mövsümünün 4-cü turuna start veriləcək.
Arena.az xəbər verir ki, ilk oyun günündə bir görüş baş tutacaq.
“Araz-Naxçıvan” “Sumqayıt”ı qəbul edəcək. Məlum səbəblərdən Bakıdakı “Dalğa Arena”da baş tutacaq qarşılaşmanı Kamal Umudlu idarə edəcək.
Qeyd edək ki, bu komandalar indiyə qədər Premyer Liqada üz-üzə gəlməyiblər. Bu mövsüm geridə qalmış üç tur ərzində isə “Sumqayıt” 6, “Araz-Naxçıvan” 3 xal toplaya bilib.
Turun “Turan Tovuz” – “Səbail” və “Zirə” – “Sabah” oyunları şənbə gününə təsadüf edəcək. “Neftçi” – “Qəbələ” və “Qarabağ” – “Kəpəz” görüşləri isə son oyun günündə baş tutacaq.
Premyer Liqa
4-cü tur
25 avqust
“Araz-Naxçıvan” – “Sumqayıt”
Hakimlər: Kamal Umudlu, Cavanşir Yusifov, Asiman Əzizli, Kamranbəy Rəhimov.
VAR: Əliyar Ağayev.
AVAR: Vüqar Həsənli.
Hakim-inspektor: Ömər Paşayev.
AFFA nümayəndəsi: Zümrüd Ağayeva.
Bakı. “Dalğa Arena”, 20:00.
26 avqust
“Turan Tovuz” – “Səbail”
Hakimlər: Tural Qurbanov, Akif Əmirəli, Cəmil Quliyev, Nicat İsmayıllı.
Hakim-inspektor: Feyzulla Feyzullayev.
AFFA nümayəndəsi: Erkin Hüseynov.
Tovuz şəhər stadionu, 17:00.
“Zirə” – “Sabah”
Hakimlər: Elçin Məsiyev, Pərvin Talıbov, Kamran Bayramov, Fərid Hacıyev.
Hakim-inspektor: Anar Salmanov.
AFFA nümayəndəsi: Asif Əliyev.
Zirə İdman Kompleksinin stadionu, 19:30.
27 avqust
“Neftçi” – “Qəbələ”
Hakimlər: Rəşad Əhmədov, Rahil Ramazanov, Şirmamed Mamedov, Rauf Allahverdiyev.
Hakim-inspektor: Barış Şimşek.
AFFA nümayəndəsi: Bəhram Qurbanov.
Bakı. “Neftçi Arena”, 18:30.
“Qarabağ” – “Kəpəz”
Hakimlər: Əli Əliyev, Zeynal Zeynalov, Vüsal Məmmədov, Rəvan Həmzəzadə.
Hakim-inspektor: Ceyhun Haşımov.
AFFA nümayəndəsi: Mahal Məmmədov.
Bakı. “Azersun Arena”, 20:45.
