“Səbail” komandası futbol üzrə Azərbaycan çempionatlarında özünün ən böyükhesablı qələbə rekordunu təkrarlayıb.
Arena.az bu barədə Peşəkar Futbol Liqasının rəsmi saytına istinadən xəbər verir.
Bu, Azərbaycan Premyer Liqasının 4-cü turunun “Kəpəz”lə ev görüşündə gerçəkləşib. Paytaxt təmsilçisi Gəncə klubunu dörd cavabsız qolla üstələyib.
“Səbail” tarixində ikinci dəfə Premyer Liqa matçında 4 top fərqi ilə qalib gəlib. 2018-ci il noyabrın 10-da “Sabah”la qarşılaşmada da 4:0 hesabına sevinən “dənizçilər” həmin vaxt səfərdə qələbə qazanıb.
Həmin nəticəni təkrarlayan paytaxt klubu həm də evdə ən böyükhesablı qələbəsini rəsmiləşdirib.
