Avropa Liqasının Liqa mərhələsinin “Tottenhem” – “Qarabağ” matçını izləmək istəyən qonaq azarkeşlər üçün biletlərin qiyməti açıqlanıb.
Arena.az xəbər verir ki, bu barədə Ağdam klubunun mətbuat xidməti məlumat yayıb.
Xəbərdə bildirilir ki, “Tottenham Hotspur Stadium”da baş tutacaq oyunun biletinin qiyməti 80 AZN təşkil edir. Qarşılaşmanı izləmək və Ağdam təmsilçisini dəstəkləmək istəyən tərəfdarlar üçün ayrılmış vauçerlər iTicket.az-da onlayn şəkildə satışdadır. Azarkeşlər əldə etdikləri vauçerləri oyun günü stadionun “Block 503” sektorunun qarşısında yerləşən məntəqədə biletə dəyişməlidirlər.
Qeyd edək ki, “Tottenhem” – “Qarabağ” oyunu sentyabrın 26-da Londonda baş tutacaq. Qarşılaşmaya Bakı vaxtı ilə saat 23:00-da start veriləcək.
