Bu gün futbol üzrə UEFA Çempionlar Liqasında (ÇL) 2026/2027-ci illər mövsümünün Liqa mərhələsində ilk tura yekun vurulub.
Arena.az xəbər verir ki, sonuncu oyun günündə də 6 qarşılaşma baş tutub.
Azərbaycan çempionu “Sabah”ın İngiltərədə “Mançester Yunayted”ə böyük hesabla uduzduğu gündə “Fənərbağça” “Roma”nı qəbul edib. Türkiyə və İtaliya təmsilçiləri İstanbulda üz-üzə gəliblər. Tərəflər hərəyə 1 qol və 1 xalla kifayətləniblər.
“Komo” bu gün “Leypsiq”lə ev oyununda ÇL-də debüt edib. Sesk Fabreqasın çalışdırdığı A Seriyası təmsilçisi rəqibini böyük hesabla məğlub edib.
Almaniya nəhəngi “Bayern” də ötən mövsümün sürpriz komandalarından olan “Bodo Qlimt”i sınağa çəkib və 5 cavabsız qola sevinib.
UEFA Çempionlar Liqası
Liqa mərhələsi, 1-ci tur
10 sentyabr
Fənərbağça (Türkiyə) – Roma (İtaliya) 1:1
PSV (Niderland) – Şaxtyor (Donetsk, Ukrayna) 1:1
Komo (İtaliya) – Leypsiq (Almaniya) 4:1
Bayern (Almaniya) – Bodo Qlimt (Norveç) 5:0
Mançester Yunayted (İngiltərə) – Sabah (Azərbaycan) 4:0
Slaviya (Praqa, Çexiya) – Lans (Fransa) 2:3
