Bu gün Azərbaycan Basketbol Liqasında (ABL) 2026/2027-ci illər mövsümünün 5-ci turunun növbəti oyunu keçirilib.
Arena.az xəbər verir ki, turun ikinci oyun günündə “Neftçi” və “Landau Lions” komandaları üz-üzə gəliblər.
Bakı İdman Sarayında baş tutmuş qarşılaşma “Neftçi”nin 86:84 hesablı qələbəsi ilə yekunlaşıb.
Bu qələbə sayəsində “Neftçi” xallarının sayını 8-ə çatdırıb və turnir cədvəlinə liderlik edir. “Landau Lions” isə 6 xalla 4-cü pillədə qərarlaşıb.
Qeyd edək ki, turun əvvəlki oyununda “Naxçıvan” “Ordu”ya 76:84 hesabı ilə uduzub.
5-ci turun qalan iki qarşılaşması noyabrın 1-də keçiriləcək:
14:00. “Gəncə” – NTD
14:00. “Sumqayıt” – “Sabah”
ABL-in yarış cədvəlində hazırda vəziyyət belədir:
- “Neftçi” – 8
- “Naxçıvan” – 7
- “Ordu” – 6
- “Landau Lions” – 6
- “Sabah” – 5
- “Sumqayıt” – 5
- “Gəncə” – 4
- NTD – 4
