Avropa Futbol Assosiasiyalarının İttifaqı (UEFA) Azərbaycan çempionu “Qarabağ”a avrokuboklardakı uğurlarına görə növbəti dəfə ödəniş edib.
Arena.az xəbər verir ki, bu barədə AFFA-nın rəsmi saytı məlumat yayıb.
Xəbərdə bildirilir ki, Ağdam klubuna Avropa Liqasında pley-offa vəsiqə qazanması və 1/8 final mərhələsinə yüksəlməsinə görə 1 milyon 700 min avro verilib.
UEFA-nın ayırdığı maliyyə vəsaiti AFFA-nın vasitəçiliyi ilə “Qarabağ”ın hesabına köçürülüb.
