Bu gün futbol üzrə Azərbaycan çempionatında (Premyer Liqa) 2023/2024 mövsümünün 32-ci turunun oyunlarına start veriləcək.
Arena.az xəbər verir ki, ilk oyun günündə bir qarşılaşma baş tutacaq.
Turun açılış matçında avrokuboklara vəsiqə uğrunda mübarizə aparan iki komanda – “Sabah” və “Səbail” kollektivləri üz-üzə gələcək. Son iki matçında qələbə qazanmış “bayquşlar” “Səbail”i də xalsız yola salmaqla lider “Qarabağ”a daha da yaxınlaşmağı hədəfləyib. 46 xalla 5-ci pillədə qərarlaşmış “Sabah”ın əsas izləyicisi olan “Səbail”in isə 42 xalı var. Şahin Diniyevin çalışdırdığı “dənizçilər” qələbə qazanacağı halda “Sabah”la arasındakı xal fərini minimuma endirəcək.
“Sabah”la “Səbail” bu günə qədər 22 oyunda qarşılaşıblar. Bu oyunlarda “bayquşlar” 10, “dənizçilər” 7 qələbə qazanıblar, 5 oyunda isə heç-heçə qeydə alınıb. Son 6 görüşdə ən azı 2 qol vurulub. “Sabah” son 4 ev qarşılaşmasında qol buraxmayıb.
Premyer Liqa
32-ci tur
27 aprel
“Sabah” – “Səbail”
Hakimlər: Elçin Məsiyev, Elşad Abdullayev, Pərvin Talıbov, Rəşad Əhmədov.
VAR: Rauf Allahverdiyev.
AVAR: Kamran Bayramov.
Hakim-inspektor: Babək Quliyev.
AFFA nümayəndəsi: Emin Cəfərov.
“Masazır Arena”, 18:00.
28 aprel
“Qəbələ” – “Kəpəz”
Hakimlər: İnqilab Məmmədov, Namiq Hüseynov, Rahil Ramazanov, Fərid Hacıyev.
Hakim-inspektor: Ramil Diniyev.
AFFA nümayəndəsi: Yavər Rəhimov.
Qəbələ şəhər stadionu, 15:30.
“Neftçi” – “Turan Tovuz”
Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev.
Hakim-inspektor: Barış Şimşek.
AFFA nümayəndəsi: Erkin Hüseynov.
Bakı. “Neftçi Arena”, 17:45.
“Sumqayıt” – “Qarabağ”
Hakimlər: Rauf Cavbarov, Vüsal Məmmədov, Zöhrab Abbasov, Kamranbəy Rəhimov.
Hakim-inspektor: Rəhim Həsənov.
AFFA nümayəndəsi: Eldəniz Musayev.
Mehdi Hüseynzadə adına Sumqayıt şəhər stadionu, 20:00.
29 aprel
“Zirə” – “Araz-Naxçıvan”
Hakimlər: Cavid Cəlilov, Eyyub İbrahimov, Asiman Əzizli, Nicat İsmayıllı.
Hakim-inspektor: Ceyhun Haşımov.
AFFA nümayəndəsi: Azər Əsgərov.
Zirə İdman Kompleksinin stadionu, 19:00.
