Futbol üzrə İngiltərə millisinin bu il Almaniyada keçiriləcək Avropa çempionatı (AÇ-2024) üçün ilkin heyəti açıqlanıb.
Arena.az xəbər verir ki, baş məşqçi Qaret Sautqeyt siyahıya 33 oyunçunun adını daxil edib.
Bu futbolçulardan 26-sının adı Avropa çempionatının iştirak ərizəsinə salınacaq.
Markus Raşford, Rahim Sterlinq və Cordan Henderson kimi futbolçular ilkin heyətdə belə yer almayıblar.
Qapıçılar: Din Henderson (“Kristal Pelas”), Cordan Pikford (“Everton”), Aron Ramsdeyl (“Arsenal”), Ceyms Trafford (“Börnli”);
Müdafiəçilər: Cerrad Brantueyt (“Everton”), Lyuis Dank (“Brayton”), Co Qomes (“Liverpul”), Mark Qehi (“Kristal Pelas”), Ezri Konsa (“Aston Villa”), Harri Maquayr (“Mançester Yunayted”), Carell Kuansa (“Liverpul”), Luk Şou (“Mançester Yunayted”), Con Stounz (“Mançester Siti”), Kiran Tripyer (“Nyukasl Yunayted”), Kayl Uoker (“Mançester Siti”);
Yarımmüdafiəçilər: Trent Aleksander-Arnold (“Liverpul”), Cud Bellingem (“Real”, Madrid, İspaniya), Konor Qallaxer (“Çelsi”), Körtis Cons (“Liverpul”), Kobbi Maynu (“Mançester Yunayted”), Deklan Rays (“Arsenal”), Adam Uarton (“Kristal Pelas”);
Hücumçular: Carrod Boven (“Vest Hem”), Ebereçi Eze (“Kristal Pelas”), Fil Foden (“Mançester Siti”), Entoni Qordon (“Nyukasl Yunayted”), Cek Qriliş (“Mançester Siti”), Harri Keyn (“Bayern”, İngiltərə), Ceyms Meddison (“Tottenhem”), Koul Palmer (“Çelsi”), Bukayo Saka (“Arsenal”), İvan Touni (“Brentford”), Olli Uotkins (“Aston Villa”).
Qeyd edək ki, iyunun 14-də Almaniyada başlayacaq AÇ-2024-ə iyulun 15-də yekun vurulacaq.
İngiltərə yığması Avropa çempionatının C qrupunda Sloveniya, Danimarka və Serbiya milli komandaları ilə üz-üzə gələcək.
