Niderlandlı mütəxəssis Con Heytinqa həmyerlisi, “Liverpul”un baş məşqçisi Arne Slotun köməkçisi vəzifəsinə təyin edilib.
Arena.az bu barədə “Liverpul”un rəsmi saytına istinadən məlumat verir:
“40 yaşlı mütəxəssis 2024/2025-ci illər mövsümünün başlaması ərəfəsində Arne Slotun qərargahına sonuncu əlavədir.
Heytinqa, futbolçu karyerası ərzində mərkəz müdafiəçisi kimi Niderland yığmasında 87 oyunda qələbə qazanaraq, “Ayaks”, Madrid “Atletiko”su, “Everton”, “Fulhem” və 2016-cı ildə tərk etdiyi “Herta” klublarında çıxış edərək ad çıxarıb.
Daha sonra məşqçilik karyerasına başlayıb, “Ayaks”da müxtəlif gənclər komandalarında çalışıb. Bundan sonra Con Heytinqa 2023-cü ilin yanvarından iyun ayına qədər Amsterdam klubunun baş məşqçisi olub.
Heytinqa keçən mövsüm “Vest Hem”də baş məşqçi köməkçisi vəzifəsində çalışıb.
O, indi Slotun komandasına qoşularaq, “Liverpul”a yeni mövsümə hazırlaşmağa kömək edir” – “qırmızılar”ın rəsmi bəyanatında deyilir.
