Braziliya millisinin baş məşqçisi Dorival Junior “selesao”nun Çili yığması üzərində əzmkar səfər qələbəsini şərh edib.
Arena.az məlumat verir ki, 2026-cı il dünya çempionatının CONMEBOL bölgəsi seçmə mərhələsinin 9-cu turu çərçivəsində Braziliya millisi Çili yığmasını 2:1 hesabı ilə məğlub edib.
Dorival Junior matçdan sonra baş tutan mətbuat konfransında bunları söyləyib:
“Hələ gənc komandanın yetkin oyununu görmək məni sevindirdi. Tarazlı və sakit oynadıq. Qollar isə – mövqeləri dəyişdikdən sonra vuruldu. Addım-addım irəliləyirik. Hələ çox xüsus yaxşılaşdırılmalıdır, amma biz düzgün yoldayıq”, – UOL dərgisi braziliyalı mütəxəssisdən sitat gətirir.
9 turdan sonra Braziliya millisi DÇ-2026-nın CONMEBOL bölgəsi seçmə mərhələsinin yarış cədvəlində 13 xalla 4-cü pillədədir. Çili yığması isə 5 xalla sonuncudan əvvəlki, 9-cu pillədə autsayderlərin zirzəmisində yer alıb. Yarış cədvəlinə 19 xalla Argentina yığması başçılıq edir.
Xatırladaq ki, bu bölgədə dünya çempionatına 6 birbaşa vəsiqə uğrunda mübarizə 10 komanda arasında gedir. 7-ci vəsiqənin sahibi isə dünya çempionatına vəsiqə uğrunda digər konfederasiyaların birindən olan yığma komanda ilə qitələrarası ələmə oyunlarında mübarizə aparacaq.
