Bu gün futbol üzrə Avropa Liqasında 2020/21 mövsümünün final oyunu keçirilib.
Arena.az xəbər verir ki, həlledici oyunda İspaniyanın “Vilyarreal” və İngiltərənin “Mançester Yunayted” komandaları üz-üzə gəliblər.
Polşanın Qdansk şəhərindəki eyniadlı stadionda keçirilən qarşılaşmanın əsas vaxtında qalib müəyyənləşməyib. Əlavə vaxtda qapılara qol vurulmadığından, qalibi müəyyənləşdirmək üçün penalti seriyasına ehtiyac duyulub. 11 metrlik zərbələri daha dəqiq yerinə yetirən İspaniya təmsilçisi tarixində ilk dəfə Avroliqanın qalibi olub. Xatırladaq ki, bu dəfə finalda uduzan “Mançester Yunayted” də bir dəfə Avroliqanın qalibi adını qazanıb. Bu, 2017-ci ildə baş verib.
Avropa Liqası
Final
26 may
Vilyarreal (İspaniya) – Mançester Yunayted (İngiltərə) 1:1 (penaltilər 11:10)
Qol: J.Moreno, 29 – E.Kavani, 55.
Baş hakim: Kleman Tyürpen (Fransa)
Vilyarreal: Xeronimo Rulyi, Raul Albiol, Pau Torres, Xuan Foyt, Daniel Parexo, Manu Triqeros, Etyen Kapu, Eremi Pino, Alfonso Pedrasa, Jerar Moreno, Karlos Bakka.
Ehtiyat oyunçular: Serxio Asenxo, Mario Qaspar, Ramiro Funes Mori, Dani Raba, Pervis Estupinan, Alberto Moreno, Fransis Koklen, Ruben Penya, Xaume Kosta, Moi Qomes, Fer Ninyo, İker Alvares.
Mançester Yunayted: David De Xea, Viktor Lindelöf, Erik Bayi, Aaron Van-Bissaka, Lyuk Şou, Skott Maktominey, Pol Poqba, Bruno Fernandes, Markus Reşford, Meyson Qrinvud, Edinson Kavani.
Ehtiyat oyunçular: Li Qrant, Din Henderson, Harri Maquayr, Xuan Mata, Fred, Amad Diallo, Daniel Ceyms, Aleks Telles, Nemanya Matiç, Brendon Uilyams, Donni van de Bek, Aksel Tuanzebe.
