Uruqvay milli komandasının və Argentinanın “Veles Sarsfild” klubunun müdafiəçisi Dieqo Qodin peşəkar futbolçu karyerasını başa vurub.
Arena.az xəbər verir ki, təcrübəli oyunçu 37 yaşında aktiv futboldan getməyə qərar verib.
Xatırladaq ki, Qodin 2022-ci ilin iyun ayından “Veles Sarsfild”də forma geyinirdi. O, bu komandada 20 oyuna çıxıb, 1 qol da vurub.
Dieqo Qodin daha öncə adları aşağıda qeyd olunmuş klubların da formasını geyinib:
“Atletiko” (Madrid) – 389 oyun, 27 qol, 14 assist
“Vilyarreal” – 116 oyun, 4 qol, 6 assist
“Kalyari” – 40 oyun, 1 qol, 2 assist
“İnter” – 36 oyun, 2 qol, 1 assist
“Nasional” – 16 oyun, 2 qol
“Atletiko Mineyro” – 9 oyun, 1 qol
Qodin ölkəsinin yığmasında 161 matça çıxıb, 8 qol vurub.
