İtaliyanın “İnter” klubunun argentinalı hücumçusu Fakundo Kolidio bundan sonra karyerasını “River Pleyt”də davam etdirəcək.
Arena.az xəbər verir ki, Argentina təmsilçisi 23 yaşlı forvardın transferinin tamamlandığını açıqlayıb.
Tərəflər arasındakı müqavilə 2025-ci ilin 31 dekabrına kimi nəzərdə tutulub. “River Pleyt” bu transfer üçün “İnter”ə 4,5 milyon avro ödəyəcək.
Fakundo Kolidio 2017-ci ildə ölkəsindən ayrılıb və İtaliyanın “İnter” klubunun gənclərdən ibarət komandasında çıxış edib. O, başa çatan mövsümü icarə əsasında “Tiqre”də keçirib, 28 oyuna çıxıb, 3 qol vurub və 2 məhsuldar ötürmə edib. Daha öncə “Sent Trüden”də də icarədə oynamış futbolçuya “İnter”in əsas komandasında debüt etmək qismət olmayıb. Hücumçu Argentinanın U-17 və U-20 yığmalarında da oynayıb.
