Bu gün, yanvarın 15-də “The Best FIFA Football Awards 2023” tədbiri çərçivəsində futbol dünyasının ən yaxşıları mükafatlandırılacaq.
Arena.az məlumat verir ki, FIFA-nın 2023-cü ilin ən yaxşılarını mükafatlandırması mərasimi Londonda keçiriləcək.
Tədbirə Bakı vaxtı ilə 23:30-da start veriləcək.
3 futbolçu “2023-cü ilin ən yaxşı oyunçusu” mükafatı üçün qısa siyahıya düşüb:
- “İnter Mayami”nin və Argentina yığmasının hücumçusu Lionel Messi;
- “Mançester Siti”nin və Norveç yığmasının mərkəz hücumçusu Erlinq Haland;
- PSJ-nin və Fransa yığmasının mərkəz hücumçusu Kilian Mbappe.
3 qapıçı “İlin ən yaxşı qapıçısı” mükafatına iddialılar siyahısında yer alıb:
- Mərkakeş yığmasının qapıçısı Yassin Bunu (“Sevilya”, “Əl-Hilal”);
- “Real”ın və Belçika yığmasının qapıçısı Tibo Kurtua;
- “Mançester Siti”nin və Braziliya millisinin qapıçısı Ederson.
“Ən yaxşı məşqçi” adı uğrunda da 3 mütəxəssis təqdim edilib:
- Xosep Qvardiola (“Mançester Siti”);
- Simone İnzaqi (“İnter”);
- Luçano Spaletti (“Napoli”, İtaliya yığması).
Qadın futbolunda “İlin ən yaxşı futbolçusu” adına iddiaçılar üçlüyündə isə Linda Kaysedo, Cennifer Ermoso və Aytana Bonmati yer alıblar.
Xatırladaq ki, 2022-ci ildə ən yaxşılar Lionel Messi (ilin oyunçusu), Lionel Skaloni (ilin məşqçisi) və Emiliano Martines (ilin qapıçısı) olublar.
