Premyer Liqanın 2024/2025-ci illər mövsümünə uğurlu start vermiş “Sabah” Azərbaycan çempionatlarında 250-ci qolu vurub.
Arena.az xəbər verir ki, bu, Azərbaycan Premyer Liqasının 7-ci turuna təsadüf edib.
Bakı derbisində “Səbail”lə görüşən “bayquşlar” səfərdə 4:2 hesablı qələbəyə seviniblər.
Matçdakı sonuncu qol qonaqlar üçün yubiley xarakteri daşıyıb. Bu topa Pavol Şafranko penaltidən imza atıb.
“Sabah” 250-ci qolu 183-cü oyunda vurub. Paytaxt təmsilçisinin ilk qolunu 2018-ci il avqustun 12-də Marko Deviç vurub. O, “Keşlə” ilə səfər qarşılaşmasında penalti ilə qələbə topuna imza atıb – 1:0.
