İngiltərə yığmasının baş məşqçisi Qaret Sautqeyt Bosniya və Herseqovina yığması ilə yoldaşlıq oyunu haqda şərh verib.
Arena.az xatırladır ki, iyunun 3-də İngiltərə yığması Bosniya və Herseqovina yığmasını 3:0 hesabı ilə məğlub edib.
“Bu, bəzi kombinasiyaları müşahidə etmək, müxtəlif mövqelərdə olan oyunçuları görmək fürsəti idi”, – İngiltə yığmasının rəsmi “X” sosial şəbəkə hesabı ingilis mütəxəssisdən sitat gətirir.
İngiltərə yığması növbəti oyununu İslandiya yığmasına qarşı keçirəcək. Oyun iyunun 7-də Londonun “Uembli” stadionunda, Bakı vaxtı ilə saat 22:45-də başlayacaq.
Xatırladaq ki, iyunun 14-də Almaniyada başlayacaq Avropa çempionatında İngiltərə yığması Sloveniya, Danimarka və Serbiya komandaları ilə “C” qrupunda mübarizə aparacaq.
