AFFA-nın Uşaq və Gənclər üzrə Yarışların təşkili şöbəsinin baş mütəxəssisi Zümrüd Ağayeva UEFA-dan növbəti təyinat alıb.
Arena.az xəbər verir ki, bu barədə AFFA-nın rəsmi saytı məlumat yayıb.
Xəbərdə bildirilir ki, Zümrüd Ağayeva qadın futbolçulardan ibarət komandalar arasında Avropa çempionatının seçmə mərhələsində Yunanıstan – Monteneqro oyununun UEFA nümayəndəsi olacaq.
C Liqasının 3-cü qrupunda mayın 31-də keçiriləcək qarşılaşmaya Bakı vaxtı ilə saat 19:00-da start veriləcək.
Qeyd edək ki, görüş Yunanıstanın Heraklion şəhərindəki “Teodoros Vardinoyannis” stadionunda baş tutacaq.
