“Liverpul”un baş məşqçisi Arne Slot “qırmızılar”ın qarşıdakı yay transfer pəncərəsində fəaliyyət planı haqda söhbət açıb.
Arena.az “Liverpul”un rəsmi saytına istinadən, 46 yaşlı niderlandlı mütəxəssisin müvafiq açıqlamasını təqdim edir:
“Bizə yaxşı oyunçular gərəkdirlər. Bizim onları mümkün olduqca tez imzalamağımız mükəmməl olardı. Amma yaxşı oyunçularla müqavilə imzalamaq heç də həmişə asan deyil, bunu transfer pəncərəsinin əvvəlində gerçəkləşdirmək haqda isə danışmıram. Ancaq bu klub bazardakı işinə bu gün başlamır. Mövsümün gedişində biz öz hədəflərimizi müəyyənləşdirmişik, onlara müvəffəq olmağa çalışacağıq. Əminəm ki, biz gərəkli oyunçuya müraciət etsək, onu əldə etməyə lap dəqiq çalışacağıq. Amma gəlin baxaq, bu, nə vaxt baş verəcək və ümumiyyətlə baş verəcəkmi, çünki mən, bizim artıq malik olduğumuz heyətimizdən çox razıyam”, deyə Arne Slot vurğulayıb.
Xatırladaq ki, Slotun “Liverpul”u 2024/2025-ci illər mövsümünün İngiltərə Premyer Liqasının çempionluğunu qazanıb.
