Azərbaycan millisinin yarımmüdafiəçisi Anatoli Nuriyev Macarıstanın “Kişvarda” komandasının heyətində növbəti matçına çıxıb.
Arena.az xəbər verir ki, “Kişvarda” 2026/2027-ci illər mövsümünün 6-cı turu çərçivəsində “Dyor”la qarşılaşıb.
Futbolçumuzun komandası bu rəqibi ilə doğma meydanda üz-üzə gəlib. Tərəflər meydanı heç-heçə ilə tərk ediblər – 1:1. Nuriyev bu matçın 70-ci dəqiqəsində meydana buraxılıb.
Bu nəticədən sonra “Kişvarda” 6 xalla 12 iştirakçı arasında 10-cu pillədə qərarlaşıb. Futbolçumuzun komandası 6 oyunda 1 qələbə qazanıb, 3 heç-heçə edib, 2 məğlubiyyətə üzülüb.
Xatırladaq ki, Anatoli Nuriyev “Kişvarda”ya bu ilin yayında “Zirə”dən azad agent kimi ayrılaraq keçib. O, indiyə qədər bu komandanın heyətində 4 oyuna çıxıb, 1 qola imza atıb.
Nuriyev daha öncə “Sabah”, “Sumqayıt”, “Kolos”, “Minay”, “Stal”, “Serednye” kimi klubların da formasını geyinib.
2021-ci ildə Azərbaycan yığmasında debüt etmiş Anatoli millinin heyətində 19 oyuna çıxıb, 1 qol vurub.
