Kristiano Ronaldo Portuqaliya milli komandasında onun üçün keçirilməsi planlaşdırılan vida matçında iştirak etməkdən imtina edə bilər.
Arena.az xəbər verir ki, “Observador” nəşrinin məlumatına görə, buna səbəb 41 yaşlı hücumçu ilə milli komandanın baş məşqçisi Jorje Jezus arasındakı münaqişədir.
Portuqaliya Futbol Federasiyası (FPF) Ronaldo üçün xüsusi vida tədbiri təşkil etmək niyyətində olduğunu açıqlayıb. Lakin futbolçu ilə Jezus arasında münasibətlər hələ də düzəlməyib.
Məlumata görə, cümə axşamı FPF prezidenti Pedro Proensa vasitəsilə Ronaldo ilə Jezus arasında telefon danışığı təşkil edilməli idi. Lakin Ronaldo baş məşqçi ilə danışmaqdan imtina edib. “A Bola” da onların sentyabrın 30-dan etibarən əlaqə saxlamadığını yazıb.
Ronaldo sentyabrın 30-da Portuqaliya millisinin düşərgəsini tərk etmiş, daha sonra bir aylıq cəzalandırılmış və 255 avro cərimələnmişdi. O, noyabrın 5-də yığmadakı karyerasını başa vurduğunu açıqlayıb.
Qeyd edək ki, Kristiano Ronaldo milli komandada 150 qol vurub və bu göstərici ilə rekordçudur.
