Futbol üzrə Azərbaycan Kubokunda 2025/2026-cı illər mövsümünün 1/4 final mərhələsinin bütün cütləri müəyyənləşib.
Arena.az xəbər verir ki, buna 1/8 final mərhələsinin bu gün baş tutmuş sonuncu oyunlarından sonra aydınlıq gəlib.
Kubokun sonuncu qalibi “Sabah” yarımfinala vəsiqə uğrunda “Qəbələ” ilə mübarizə aparacaq. “Qarabağ” “Şamaxı”ya rəqib olub. “Turan Tovuz” “Kəpəz”lə, “Zirə” isə “Sumqayıt”la üz-üzə gələcək.
Qeyd edək ki, Azərbaycan Kubokunda 1/4 final mərhələsinin ilk oyunları 3-4 fevralda, cavab matçları 3-4 martda təşkil olunacaq.
Azərbaycan Kuboku
1/4 final
Turan Tovuz – Kəpəz
Zirə – Sumqayıt
Şamaxı – Qarabağ
Sabah – Qəbələ
