Futbol üzrə Azərbaycan çempionatının (Premyer Liqa) 2025/26 mövsümünün “İmişli” – “Turan Tovuz” matçının hakimləri dəyişdirilib.
Arena.az xəbər verir ki, daha öncə bu oyunu Cavid Cəlilovun idarə edəcəyi açıqlanmışdı.
Ona yan xətt hakimləri Kamran Bayramov və Müslüm Əliyev kömək etməli, İslam Məmmədov dördüncü hakim funksiyasını yerinə yetirməli idi. Amma bu gün PFL-in saytında bu görüşün Rəvan Həmzəzadə, Cəmil Quliyev, Şirmamed Mamedov və İslam Məmmədov tərəfindən idarə olunacağı göstərilib.
Qeyd edək ki, bu gün Quba Olimpiya İdman Kompleksinin stadionunda keçiriləcək sözügedən oyuna saat 15:00-da start veriləcək.
Maraq üçün xatırladaq ki, ötən gün keçirilmiş “Qarabağ” – “Karvan” oyununda AVAR-da oturmalı olan Əliyar Ağayev də Tural Qurbanovla əvəzlənmişdi. Bu dəyişiklər Azərbaycan Kubokunun yarımfinal mərhələsinin “Turan Tovuz” – “Zirə” matçındakı hakim səhvlərindən qaynaqlanır. Belə ki, baş hakim Əliyar Ağayev həmin görüşdə tovuzluların iki penaltisini verməmişdi. Buna görə də FİFA referisi cəzalandırılıb. Cavid Cəlilov da həmin oyunda VAR-da oturmuşdu. Bu üzdən onun da “İmişli” – “Turan Tovuz” matçına təyinatı ləğv edilib və qeyri-müəyyən müddətə cəzalandırılıb.
Premyer Liqa
26-cı tur
7 aprel
“İmişli” – “Turan Tovuz”
Hakimlər: Rəvan Həmzəzadə, Cəmil Quliyev, Şirmamed Mamedov, İslam Məmmədov.
VAR: Nicat İsmayıllı.
AVAR: Müslüm Əliyev.
Hakim-inspektor: Orxan Məmmədov.
AFFA nümayəndəsi: Rüfət Əmirov.
Quba Olimpiya İdman Kompleksinin stadionu, 15:00.
