Bu gün futbol üzrə UEFA Çempionlar Liqasında (ÇL) 2026/2027-ci illər mövsümünün 1-ci təsnifat mərhələsinin cavab oyunlarına yekun vurulub.
Arena.az xəbər verir ki, sonuncu oyun günündə 4 qarşılaşma baş tutub.
Səfərdə “Sutyeska” ilə qarşılaşan “Kayrat” bu dəfə də qələbə qazanaraq növbəti raunda yüksəlib. “Universitatya (Krayova) və “Klaksvik” də eyni uğuru təkrarlayıblar.
Azərbaycanlı futbolçu Zamiq Əliyevin formasını geyindiyi Albaniya çempionu “Eqnatiya” isə səfərdə heç-heçə oynadığı “Petrokub”a evdə böyük hesabla qalib gəlməklə mərhələ adlayıb.
Qeyd edək ki, ÇL-də 2-ci təsnifat mərhələsinin görüşləri qarşıdakı iki həftədə baş tutacaq.
UEFA Çempionlar Liqası
1-ci təsnifat mərhələsinin cavab oyunları
14 iyul
KuPS (Finlandiya) – Vardar (Şimali Makedoniya) 2:3 (ilk oyun 2:0)
İberiya (Gürcüstan) – Flora (Estoniya) 2:2 (3:2)
İnter Eskaldes (Andorra) – Linkoln (Cəbəllüttariq) 1:1 (1:3)
Dyor ETO (Macarıstan) – Vikinqur (İslandiya) 2:2 (0:1)
Riqa (Latviya) – Ararat (Ermənistan) 3:2 (0:2)
Levski (Bolqarıstan) – Borats (Bosniya və Herseqovina) 4:0 (1:1)
TNS (Uels) – Sabah (Azərbaycan) 1:2 (0:2)
Drita (Kosovo) – Kauno Jalgiris (Litva) 2:3 (1:1)
Larne (Şimali İrlandiya) – Tre Fiori (San Marino) 2:1 (1:0)
Şemrok Rovers (İrlandiya) – Floriana (Malta) 5:1 (0:2)
15 iyul
Universitatya (Krayova, Rumıniya) – Vitebsk (Belarus) 1:0 (4:1)
Atert Bissen (Lüksemburq) – Klaksvik (Farer adaları) 1:2 (1:2)
Eqnatiya (Albaniya) – Petrokub (Moldova) 6:1 (1:1)
Sutyeska (Monteneqro) – Kayrat (Qazaxıstan) 0:2 (1:2)
