Sloveniya yığmasının baş məşqçisi Matyaj Kek AÇ-2024-ün qrup mərhələsinin 2-ci turunda Serbiya yığması ilə qarşıdakı oyundan danışıb.
Arena.az məlumat verir ki, sloven mütəxəssis bu barədə oyunöncəsi mətbuat konfransında fikirlərini açıqlayıb::
“Yüksək tezlik və aqressivliyə görə 11 futbolçunun kifayət etməyəcəyini bilirik. Biz Serbiya yığması kimi rəqibə qarşı 90 dəqiqə yüksək tezliyi necə saxlamağı düşünürük.
Mən inanıram ki, belə şəraitdə bu komanda hər dəqiqə böyüyəcək. Bu gənc komandadan çox şey gözləmək yəqin ki, çox nikbinlikdir. Daha güclü və təcrübəli komandaların uğursuzluğa düçar olmasının bir çox nümunəsi var. Hamımız Almaniyada yarışmaq hüququna layiq olduğumuzu sübut etmək istəyirik”, deyə Matyaj Kek vurğulayıb.
Xatırladaq ki, Sloveniya – Serbiya oyunu bu gün, iyunun 20-də Münhenin “Alyans Arena” stadionunda keçiriləcək. Hakim oyunu Bakı vaxtı ilə saat 17:00-da başladacaq.
2-ci tur ərəfəsində komandalar “C” qrupunda belə sıralanıblar:
- İngiltərə – 3 xal
- Danimarka – 1
- Sloveniya – 1
- Serbiya – 0
