Ötən gün – aprelin 8-də AFFA Klublar Komitəsinin növbəti iclası keçirilsə də, bu barədə qurumun rəsmi saytı bu gün məlumat yayıb.
Arena.az xəbər verir ki, toplantıda milli assosiasiyanın icraçı vitse-prezidenti Sərxan Hacıyev, Peşəkar Futbol Liqasının texniki-idman direktoru Elgiz Abbasov və Premyer Liqa klublarının nümayəndələri iştirak ediblər.
İclasda ölkə futbolu ilə bağlı müxtəlif məsələlər müzakirə olunub.
Təklif olunub ki, növbəti iclasa qədər klublar Azərbaycan futbolunun müxtəlif sahələrinin inkişafına dair təkliflər paketini hazırlayıb, təqdim etsinlər.
Xatırladaq ki, bu ayın əvvəlində AFFA rəhbərliyindən ciddi dəyişikliklər olub. Qurumun yeni rəhbərliyi hazırda ölkə futbolunun inkişaf strategiyasını hazırlamaqla məşğuldur. Bunun üçün klubların təklifləri də nəzərə alınacaq.
