“Keşlə” heyətini gücləndirməkdə davam edir. Arena.az xəbər verir ki, paytaxt klubu anqolalı hücumçu Aldair Sapalo Amaro Netonu transfer edib.
Bu barədə klubun mətbuat xidməti məlumat yayıb. 26 yaşlı futbolçu ilə 1 illik müqavilə imzalanıb.
Netonun son klubu Şimali Makedoniyanın “Pelister” komandası olub. O, daha öncə “Şkendiya”, “Banqos Siti”, “Qafanya”, “Maritimo” (B), “Fatima” və “Oeyras” kimi komandalarda da forma geyinib.
“Keşlə” daha öncə “Qəbələ”dən ayrılan Merab Giqaurini transfer etmişdi. Paytaxt klubu həmçinin “Neftçi”dən Rəhman Hacıyevlə Turan Vəlizadəni, “Sabah”dan isə Elçin Mustafayevi icarəyə götürmüşdü.
