Futbol üzrə Azərbaycan millisinin müdafiəçisi Anton Krivotsyuk Polşanın “Visla” (Plotsk) komandasında növbəti matçına çıxıb. Arena.az xəbər verir ki, onun komandası Polşa çempionatının 19-cu turu çərçivəsində “Lexiya” (Qdansk) ilə üz-üzə gəlib.
Futbolçumuzun komandası bu rəqiblə doğma meydandan qarşılaşıb və 1:0 hesabıyla qalib gəlib.
Anton Krivotsyuk bu matçın 46-cı dəqiqəsində meydana buraxılıb. O, 70-ci dəqiqədə sarı vərəqə ilə də cəzalanıb.
Plotsk “Visla”sı 19 turdan sonra 29 xalla 18 kollektiv arasında 6-cı pillədə qərarlaşıb.
