Futbol üzrə Avropa Liqasında 2023/2024 mövsümünün pley-off mərhələsində qarşılaşacaq komandalar müəyyənləşib.
Arena.az xəbər verir ki, qitənin nüfuzuna görə ikinci dərəcəli turnirində növbəti mərhələyə vəsiqə uğrunda 20 komanda mübarizə aparacaq.
Onlardan biri də Azərbaycan çempionu “Qarabağ”dır. 3-cü təsnifat mərhələsində Finlandiyanın HJK komandasını mübarizədən kənarlaşdıran (həm evdə, həm də səfərdə 2:1 qalib gəlməklə) Qurban Qurbanovun yetirmələrini pley-offda Sloveniya “Olimpiya”sı ilə görüşlər gözləyir. Lyublyana təmsilçisi ilə ilk oyun səfərdə, cavab görüşü Bakıda baş tutacaq.
UEFA Çempionlar Liqasının 3-cü təsnifat mərhələsinin 3-cü təsnifat mərhələsinin AEK (Yunanıstan) – “Dinamo” (Zaqreb, Xorvatiya) cütünün qalibi və məğlubu hələ müəyyənləşməyib. Bu cütün taleyinə avqustun 19-da aydınlıq gələcək.
Qeyd edək ki, Avropa Liqasında pley-off mərhələsinin oyunları avqustun 24-də və 31-də baş tutacaq.
Avropa Liqası
3-cü təsnifat mərhələsi
17 avqust
“Slaviya” (Praqa, Çexiya) – “Zarya” (Ukrayna)
“Olimpiakos” (Yunanıstan) – “Çukariçki” (Serbiya)
“Yunion” (Belçika) – “Luqano” (İsveçrə)
“Ludoqorets” (Bolqarıstan) – “Ayaks” (Niderland)
“Haken” (İsveç) – “Aberdin” (Şotlandiya)
LASK (Avstriya) – “Zrinski” (Bosniya və Herseqovina)
“Klaksvik” (Farer adaları) – “Şerif” (Moldova)
“Olimpiya” (Sloveniya) – “Qarabağ” (Azərbaycan)
“Slovan” (Slovakiya) – “Aris” (Limasol, Kipr)
AEK (Yunanıstan)/“Dinamo” (Zaqreb, Xorvatiya) cütünün məğlubu – “Sparta” (Praqa, Çexiya)
